कपन ३ का उपभोक्ताले खानेपानीको साँचो खोसे

कपन अनलाइन/बद्रि भट्टराई
खानेपानीको महसुल चाँही लिइरहने तर पानी भने नदिने भन्दै कपन गाविस वडा नं ३ का ॐ सिद्धेश्वर टोल सुधार समितिका उपभोक्ताले खानेपानीको साँचो नै खोसीदिएका छन । ९ महिना सम्म पानी नै नपठाएपछि टोल सुधार समितिले खानेपानी कार्यालयमा डेलिगेसन गएको र सो एक दिन चाँहि पानी पठाएको तर त्यस पछि फेरी पानी नपठाएको हुदाँ वाध्य भएर साँचो खोसीयको अधिकारीले बताए ।

समितिका अध्यक्ष दिपक अधिकारीले बारम्बार खानेपानी सुचारु गर्न माग गर्दा विभिन्न कुराहरु गर्ने र भोली–भोली भन्दै टार्ने गरेकाले खानेपानी नै नपाएपछि पाइप मात्र हेरेर के गर्ने भन्दै साँचो लिएको स्विकार गरे ।  यदि अब पनि खानेपानीले पानी सुचारु नगरे कडा आन्दोलन गर्ने र त्यसका लागि सम्पूर्ण कपन गाविसका जनताहरुले समेत साथ दिने बताए ।