कपनका नयाँ इन्सपेक्टरसँग परिचय कार्यक्रम सम्पन्न

कपन अनलाइनकपन प्रभागमा नयाँ प्रमुख आएपछि गरिने औपचारिक परिचयात्मक कार्यक्रम सम्पन्न भएको छ । नवराज ढुंगानाको सरुवा भएपछि आएका नयाँ इन्सपेक्टर रोशनकुमार सिजापतिको कपनमा काज सरुवा भएको करिब ८ दिनपछि यो कार्यक्रम आयोजना गरिएको हो । कपन प्रहरी प्रभागको प्रांगणमा आयोजित कार्यक्रममा प्रभाग प्रमुख सिजापतिले कपनलाई शान्त तथा सुरक्षित बनाउन आफू तयार रहेको बताउँदै यसका लागि यहाँका राजनीतिक पार्टी, संघसंस्था तथा सर्वसाधरणको सहयोग अपेक्षा गरे ।
यसअघि कपनका राजनीतिक दलदेखि विभिन्न संघसंस्थाका प्रतिनिधिहरुले तँछाडमछाड गर्दै आफ्ना कुराहरु राखेका थिए । अधिकांश बोल्नेहरुले कपन प्रभागको नयाँ बन्दै गरेको भवनका बारेमा तथा शान्ति सुरक्षाका कसरी गर्न सकिन्छ भन्ने बारेमा प्रतिक्रिया दिएका थिए । शनिवार विहान ८ बजेदेखि आयोजना भएको कार्यक्रम १० बजेसम्म संचालित थियो ।