गोकर्णेश्वर नगरपालिका वडा नं ३  का धावक  सन्तोष लामा सम्मानित

कपन अनलाइन

काठमाडौँ, जेठ १५ । गोकर्णेश्वर नगरपालिका वडा नं ३  निवासी  सन्तोष लामालाइ सम्मान गरिएको छ। गत महिना अप्रिल २४ ,२०२२मा जय बालाजी ग्रूप दार्जीलिंग इंडियाले आयोजना गरेको गोर्खा  टेन के  दौड प्रतियोगिता बिभिन्न देशको १२ सय  प्रतिस्पर्धी  उछिन्दै  ७औ स्थान हासिल गर्न सफल भएकोमा उनलाई बिहिबार एक कार्यक्रमका बीच गोकर्णेश्वर नगरपालिका युवा तथा खेलकुद विकास समितिले सम्मान गरेको हो ।

 गोकर्णेश्वर नगरपालिका वडा नं ३ मा रहेको सुन्ताखान युवा क्लबका सदस्य समेत रहेका लामालाई  गोकर्णेश्वर नगरपालिकाका नव निर्वाचित नगर प्रमुख दिपक रिसाल, उप प्रमुख सान्नानी लामा, गोकर्णेश्वर नगरपालिका युवा तथा खेलकुद विकास समितिका अध्यक्ष संजय लामा लगायतले सम्मान गरेका हुन । सम्मानित सन्तोष लामाले आयोजकलाइ धन्यबाद दिदै  उक्त सम्मानले थप  उर्जा थपेको  बताएका छन ।