आजको मौसम : पहाडी भू–भागमा आंशिक बदली रहने

कपन अनलाइन

काठमाण्डौ ,माघ १४।

जल तथा मौसम विज्ञान विभागले  आज बिहान पहाडी भू–भागमा आंशिक बदली रहने र  तराइका केही भू–भागमा हुस्सु र कुहिरो लाग्ने जानकारी दिएको छ  ।

आज दिउँसो प्रदेश १, वाग्मती र गण्डकी प्रदेशको पहाडी भू–भागमा आंशिकदेखि सामान्यतया बदली रहने छ भने देशका बाँकी भू–भागमा आंशिक बदलीदेखि मौसम सामान्यतया सफा रहनेछ ।

प्रदेश १ तथा वाग्मती प्रदेशको पहाडी भू–भागका एकदुई स्थानमा हल्का वर्षाको सम्भावना रहेको छ । सोही क्षेत्रको उच्च पहाडी तथा हिमाली भू–भागका थोरै स्थानमा हल्का हिमपातको सम्भावना रहेको विभागले जनाएको छ ।

वर्षा र हिमपातको सम्भावना रहेका कारण चिसोबाट बच्न र त्यसको प्रभावबाट जोगिन आवश्यक सतर्कता अपनाउन विभागले आग्रह गरेको छ।