२५० मत गन्दा देउवाको अग्रता

कपन अनलाईन

काठमाण्डौ ,मंसिर २८।

नेपाली कांग्रेसको जारी १४औं महाधिवेशनअन्तर्गत पहिलो चरणको मतगणनाको परिणाम सार्वजनिक भएको छ । २५० मत गणना गर्दा सभापतिको उम्मेदवार शेरबहादुर देउवाले अग्रता बनाएका छन् ।

उनले १३२ मत ल्याउँदा अर्का उम्मेदवार शेखर कोइरालाले ८१ मत ल्याएका छन् । प्रकाशमान सिंहले २२, विमलेन्द्र निधिले १२ र कल्याण गुरुङ १ मत ल्याए । मंगलबार बिहान ४ बजेदेखि सभापतिको मतगणना सुरू गरिएको थियो ।

फोटो सौजन्य : मकालु खबर