चौथो चक्रबहादुर स्मृति अन्तर बिद्यालय छात्र फुटबल प्रतियोगिताको दोस्रो दिनका खेलहरु सम्पन्न
कपन अनलाइन
काठमाडौँ, मंगसिर ११ । गोकर्णेश्वर नगरपालिको सहकार्यमा छहारी युवा क्लब द्वारा आयोजना गरिएको चौथो चक्रबहादुर स्मृति अन्तर बिद्यालय छात्र फुटबल प्रतियोगिताको दोस्रोदिनका खेलहरु सम्पन्न भएका छन। गोकर्णेश्वर नगरपालिका वडा नं ८ बेशीगाउ स्थित नेपालय इंगलिस पब्लिक स्कुल को खेल मैदानमा संचालन भएको सो प्रतियोगीतामा गोकर्णेश्वर नगरपालिका भित्र संचालनमा रहेका कुल २४ वटा बिध्यालयका बिद्यार्थीहरुको टिमले सहभागीता जनाएका छन ।
मंगसिर ९ गते देखि शुरु भएको सो प्रतियोगीताको दोस्रो दिनको पहिलो खेल लिटिल बड स्कुल र नेपालय स्कुल बीच भएको थियो। निकै नै प्रतिस्पर्धात्मक बनेको सो खेलमा नेपालय स्कुलले लिटिल बड स्कुल लाइ २-० गोल अन्तरले पराजित गरेको थियो। उक्त खेलमा नेपालयका जर्सी नं ८ का भुवन भण्डारी र जर्सी नं ६ का आकाश तामाङले गोल गरेका थिए।
त्यसै गरि सोहि दिन भएको दोस्रो खेल ग्रिन तारा स्कुल र सांग्रिला स्कुल बीच भएको थियो। उक्त खेलमा ग्रिनताराले सांग्रिला स्कुललाई ४-१ गोल अन्तरले पराजित गरेको छ। सोहि दिन भएको अन्तिम खेल बाल सुधार स्कुल र रिम्स स्कुल बीच भएको थियो। उक्त खेलमा रिम्स स्कुलले बाल सुधार स्कुललाइ ५-० गोल अन्तरले पराजित गर्दै आर्को चरणमा प्रवेश गरेको छ ।विद्यार्थीहरुको पढाईमा असर नपुग्ने गरी विहान, बेलुका गरी खेल संचालन गरिदै आएको सो प्रतियोगितामा प्रथम र दोस्रो हुनेले नगद पुरस्कार सहित ट्रफी मेडल र प्रमाणपत्र प्राप्त गर्नेछन । त्यसै गरि उत्कृष्ट खेलाडी, सर्वाधिक गोलकर्ता, उत्कृष्ट रक्षक, म्यान अफ द म्याच लाइ पनि ट्रफीको व्यवस्था रहेको आयोजकले जानकारी गराएको छ ।प्रतियोगिता मंगसिर १८ गते सम्म चल्नेछ ।
