काठमाडाैँ जिल्ला सभापतिमा उपेन्द्र कार्कीको प्यानल घाेषणा
कपन अनलाइन
काठमाडौँ, मंगसिर ११ । नेपाली कांग्रेसको काठमाडौं जिल्ला सभापतिमा कृष्ण बानियाँ (सबुज) र उपेन्द्र कार्कीबीच प्रतिस्पर्धा हुने भएको छ ।कांग्रेसको १४ औं महाधिवेशन अन्तर्गत काठमाडौं जिल्ला अधिवेशनमा बानियाँ र कार्कीबीच प्रतिस्पर्धा हुने निश्चित भएको हो । बानियाँ काठमाडौं सभापतिमा दोहोरिने तयारीमा छन भने कार्की यसअघि काठमाडौं क्षेत्र नम्बर २ को सभापति थिए । कार्कीले बिहीबार काठमाडौंमा एक कार्यक्रमका बीच जिल्ला सभापतिमा उम्मेदवारी दिने घोषणा गरेका हुन् ।
उक्त कार्यक्रममा कार्कीले जिल्ला अधिवेशनका लागि आफ्नो प्यानल सार्वजनिक गरेका छन् । जसमा बुढानिलकण्ठका युवा नेता रामलाल श्रेष्ठ र धर्मराज अर्याल उप सभापति बनाइएको छ भने सचिबमा गोकर्णेश्वरका युवा नेता कुमारराज सुवेदी र सागरदास रञ्जित रहेका छन। त्यसै गरि सह–सचिवमा लक्ष्मण गौतम र सुस्मिता प्रधान रहेका छन। कार्कीले देखिने , सुनिने र भेटिने कांग्रेस बनाउने आभियान रहेको भन्दै आफ्नो समूहलाइ मत दिन सबै मतदाता तथा शुभेच्छुकसँग सहयोगको लागि अनुरोध गरेका छन
