लायन्स क्लब अफ काठमाडौं माकलबारी र रोयल हिमालय द्वारा आयोजित रक्तदान कार्यक्रम सम्पन्न
कपन अनलाइन
काठमाडौं, भाद्र १३। सामाजिक तथा मानवीय सेवामा निरन्तर सक्रिय रहदै आएको लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं माकलबारी र लायन्स क्लब अफ रोयल हिमालयको संयुक्त रुपमाआयोजित रक्तदान कार्यक्रम सम्पन्न भएको छ । भाद्र १२ गते शनिबार माकलबारी स्थित लायन्स प्रतीक्षालयमा कान्तिपुर रक्त संचार केन्द्रको प्राबिधिक सहयोगमा बिहान ११ बजे देखि आवश्यक सुरक्षा मापदण्ड अपनाएर सुरक्षित तवरले संचालन भएको उक्त रक्तदान कार्यक्रममा १४ जना रक्तदाताले रक्तदान गरेको लायन्स क्लब अफ काठमाडौं माकलबारीका प्रेसिडेन्ट लायन रोशनबाबु श्रेष्ठले जानकारी गराएका छन ।
रगत अभावका कारण कुनै पनि व्यक्तिले ज्यान नगुमाउन नपरोस् भन्ने उदेश्य सहित आयोजना भएको सो कार्यक्रम छोटो समयको तयारी तथा अहिलेको प्रतिकुल अवस्थामा पनि धेरैजनाले रक्तदान गर्न इच्छा देखाए पनि स्वास्थ्य लगायत कोरोना बिरुद्दको खोप लगाएको कारण तथा अन्य कारणले गर्दा १४ जनाले मात्र रक्तदान गरेको जानकारी गराउदै कोरोना संक्रमणको जोखिम तथा निषेधाज्ञाको बिषम परिस्थितिमा समेत स्वतःस्फुर्त रुपमा सहभागि भई रक्तदान गर्ने सम्पूर्ण रक्तदाताहरुलाई आयोजकको तर्फ बाट जोन चियर पर्सन लायन भिष्म बिक्रम रायमाझीले धन्यबाद दिएका छन।
कार्यक्रममा लायन्स क्लब इन्टरनेसनल डिस्ट्रिक ३२५ ए१का इमिडेट पास्ट डिस्ट्रिक गभर्नर लायन टंक बहादुर श्रेष्ठ फर्स्ट डिस्ट्रिक गभर्नर लायन कर्म गुरुङ गोकर्णेश्वर नगरपालिका प्रमुख सन्तोष चालिसे लायन बिष्णु भाइ श्रेष्ठ, इम्प्याक्ट एरिया लिडर लायन भुवन पोखरेल लगाएको उपस्थिति रहेको थियो कार्यक्रममा लायन्स लिडर तथा सदस्यहरुले स्वयम सेवकको भूमिका निर्वाह गरेका थिए ।
