त्रिशूली वाङ्गमय प्रतिष्ठानको अध्यक्षमा कवी आर एम डंगोल

कपन अनलाइन

काठमाण्डौ ,साउन २६ ।

नुवाकोट स्थायी घर भई काठमाडौँलगायत देशका विभिन्न भागमा रही साहित्य सिर्जनामा सक्रिय सर्जकहरूको स्थापित संस्था त्रिशूली वाङ्गमय प्रतिष्ठानको बाह्रौँ साधारण सभाले साहित्यकार आरएम डंगोलको अध्यक्षतामा आगामी दुई बर्षका लागि नयाँ कार्यसमिति  चयन गरेको छ ।

अध्यक्षमा आरएम डङ्गोल चयन गरेको साधारण सभाले  उपाध्यक्षमा राजेन्द्रमान डङ्गोल , महासचिवमा श्यामराज पाठक, सचिवमा राजेन्द्र घिमिरे सागर, कोषाध्यक्षमा लक्ष्मी रूम्बा तथा सदस्यहरूमा पुरु लम्साल ,भैरवी ढुङ्गाना, कृष्णकिसु न्यौपाने, प्रभाती किरण ,सन्तोषी अधिकारी, बैरागी जेठा, उत्तम विचार भेटुवाल, पुरू बिमल, जया ओझा, जितेन्द्र सिह ठकुरीलाई चयन गरेको छ  ।

प्रतिष्ठानले नुवाकोट जिल्लामा जन्मिएर राजधानी काठमाडौँलगायत देशका विभिन्न भागलाई कर्मथलो बनाएका साहित्यकारहरुलाई एउटै मञ्चमा समेटी विविध साहित्यिक गतिविधि सञ्चालन गर्दै आइरहेको प्रतिष्ठानले विभिन्न संघ संस्थाहरूसँगको सहकार्यमा साहित्य यात्राहरु समेत आयोजना गर्दै आइरहेको छ ।

अर्धवार्षिक रूपमा साहित्यिक पत्रिका त्रिशूली त्रिवेणी प्रकाशन पनि गर्दै आइरहेको  प्रतिष्ठानका अध्यक्ष एवम् कवि आरएम डङ्गोलले पर्यटनका लागि साहित्य भन्ने मूल नाराका साथ २०६६ सालमा स्थापना भएको संस्थाले साहित्यिक यात्रा र सिर्जनात्मक गतिविधि गर्दै आएको जानकारी दिएका छन।