बुढानीलकण्ठ देउवाचोकमा दुईवटा स्कुटर ठोक्किँदा एक जना गम्भीर घाइते

कपन अनलाइन

काठमाण्डौ ,बैशाख २।

बुढानीलकण्ठ नगरपालिका वडा नं ३ देउवाचोक नजिकै दुईवटा स्कुटर एकआपसमा ठोक्किँदा एकजना गम्भिर घाइते भएका छन्।

बुढानीलकण्ठ तर्फबाट चपली तर्फ जाँदै गरेको स्कुटर नं बा ७२ प ८३१९ को  एभिएटर र  चपलीबाट बुढानीलकण्ठ तर्फ आउँदै गरेको बागमती-प्रदेश-०२ ०१८ प २२५२ टिभिएसको एनटोर्क स्कुटर एकअर्का सँग ठोक्किँदा चपलीतर्फबाट आउँदै गरेका स्कुटर चालक मनिष राई गम्भिर घाइते भएको महानगरिय प्रहरी प्रभाग बूढानीलकण्ठका प्रमुख प्रहरी निरिक्षक राजकुमार तामाङ्गले जानकारी दिएका छन । अर्को स्कुटर चालक जगत मगर भने प्रहरी प्रभागको नियन्त्रणमा रहेको तामाङ्गले बताए ।

गएराती करिव ९ः३० बजेको समयमा उक्त घटना भएको खबर प्राप्त भएसँगै घटना स्थलमा प्रहरी प्रभागका प्रहरी टोली तत्काल घटना स्थलमा पुगेको प्र.नि तामाङ्गले बताउनुभएको छ। साथै उक्त घाइते व्यक्तिलाई तत्काल अस्पताल लगिएको जनाइएको छ। सो व्यक्तिको स्थिति गम्भिर रहेको र हाल बसुन्धारा स्थित चिरायु अस्पतालको आइसियुमा उपचार भैरहेको छ । फोटो सौजन्य :बिएस्जी न्युज