लामो समय देखि जिफन्टमा सेवारत चिन्तामणि खनालको बिदाई
कपन अनलाइन
काठमाडौं ,कार्तिक २८/नविना श्रेष्ठ
नेपाल ट्रेड युनियन महासंघ जिफन्ट प्लाजा, पुतलीसडकमा रहेको जिफन्ट संस्थामा १६ वर्ष लामो समय सम्म सेवारत रहेका चिन्तामणि खनालको बिदाइ गरिएको छ।
खनालले जिफन्टमा लामो समयसम्म योगदान गरेका ब्यक्तिहरुलाई विदाई गर्दा बाँकी दिनहरुमा सम्झना रहिरहनका लागि यस्तो कार्यक्रम नगरी बस्न नसकेको जिफन्टका अध्यक्ष विनोद श्रेष्ठले बताएका थिए।
२०४७ सालमा जिफन्टका अध्यक्ष विनोद श्रेष्ठले चिंतामणी खनाललाई भेटेको सम्झना गर्दै उनले २०४५,२०४६ सालदेखि २०७७ सालसम्मको यात्रामा पनि चिंतामणी खनाल कार्यालयमा आउने समय भने एउटै रहेको अनुभव सुनाएका थिए ।
जिफन्टमा अहिलेसम्म ४ सय जना कर्मचारी रहेको जानकारी दिदै श्रेष्ठले बाँकी दिनहरुमा ४ हजार जना कर्मचारी पुर्याउने उद्देश्य रहेको बताएका थिए ।
खनाललाई खादा ओढाई मायाको चिनो प्रदान गरेर विदाइ गरिएको सो अवसरमा उपाध्यक्ष जितेन्द्र श्रेष्ठ, महासचिव जनक चौधरी, पुर्व उपमहासचिव पेम्बा लामा लगायत जिफन्टका शुभचिन्तकहरु र सम्पूर्ण कर्मचारीहरूको उपस्थित रहेको थियो।
(नविना श्रेष्ठ सुशासन र समृद्धिका लागि संचार अभियानकी प्रशिक्षार्थी पत्रकार हुन् )
