ललितपुरको जुवाखालबाट पूर्वमन्त्री सहित १० जना पक्राउ

कपन अनलाइन

काठमाडौं ,कार्तिक १६।

ललितपुरको एक  जुवाखाल  बाट पूर्वमन्त्री सहित १० जना पक्राउ परेका छन् ।

हाल जनता समाजवादीका नेता रहेका पूर्वराज्यमन्त्री कोभारी राय सहित १० जनालाई प्रहरीले आइतबार बिहान ललितपुरको जावलाखेलबाट पक्राउ गरेको हो । उनीहरुको साथबाट एक लाख ५३ हजार नगद बरामद गरिएको प्रहरीले जनाएको छ ।

महानगरिय प्रहरी प्रभाव स्वम्भुबाट खटिएको टोलीले उनीहरुलाई जुजा खेल्दा खेल्दै पक्राउ गरेको हो ।

डा.बाबुराम भट्टराई प्रधानमन्त्री हुँदा कोभारी राज्यमन्त्री थिए । शेरबहादुर देउवा र लोकेन्द्र बहादुरको पालामा पनि कोभारी राज्यमन्त्री थिए ।

प्रकाउ पर्नेहरुमा कोभारीसहित उत्तरकुमार लामा, पार्वत भण्डारी,सविन लामा, कञ्चन तामाङ, दवेन्द्र श्रेष्ठ, विक्रम लामा, जितपुर लामा रहेका छन् ।