कोभिड सचेतना तथा पर्यटन प्रबर्द्दनका लागि कागेश्वरीमा साइकल यात्रा

कपन अनलाइन

काठमाडौं, असोज २५। काठमाडौँ उपत्यकाको  आन्तरिक पर्यटन प्रबर्द्दन र कोरोना भाइरस कोभिडबाट “आफु बचौं र अरुलाई बचाऔं” भन्ने मूल नाराका साथ  बक्स अफिस इन्टरनेसनल ग्रुपको आयोजना, कागेश्वरी मनोहरा नगरपालिकाको संयोजन  तथा लायन्स क्लब अफ काठमाडौं कागेश्वरीको समन्वयमा बक्स अफिस साइकिलिंङ सम्पन्न भएको छ।शनिबार काठमाडौँको भद्रकालिबाट सुरु भएको सो साइकल र्याली कागेश्वरी मनोहरा नगरपालिका १ स्थित गागल सहिद पार्कमा पुगी समापन गरिएको थियो।

करिव २५८ साइकल यात्रीले सहभागिता जनाएको सो कार्यक्रम समापन सत्रका प्रमुख अतिथिकको रुपमा कागेश्वोरी मनोहरा नगरपालिकाका  प्रमुखकृष्ण हरि थापा रहेका थिए ।सो कार्यक्रममा कागेश्वरी मनोहरा नगरपालिका वडा नं १ का वडा अध्यक्ष मकुन्द प्रसाद गजुरेल, वडा नं ३ का वडा अध्यक्ष राममणि पुडासैनी लगायत आयोजक संस्थाका पदाधिकारीहरुको उपस्थिति रहेको थियो ।

 कार्यक्रममा नगर प्रमुख थापाले सहभागीलाई प्रसंशा पत्र प्रदान गर्दै  यस्ता  कार्यक्रमले बातावरण संरक्षणमा महत्वपूर्ण योगदान पुर्याउनु को साथै आन्तरिक पर्यटन प्रवर्दनमा समेत सहयोग पुग्ने  बताउँदै आयोजकलाई धन्यवाद  दिएका थिए |