महानगरीय प्रहरी प्रभाग साँखु द्वारा ८९ थान गोलिया काठ सहित एकजना पक्राउ

काठमाडौं असोज २५ ।  महानगरीय प्रहरी प्रभाग साँखुले ८९ थान गोलिया काठसहित एकजनालाई पक्राउ गरेको छ । पक्राउ पर्नेमा शंखरापुर नगरपालिका वडा नं. १, नाङलेभारेका ३३ वर्षीय श्रीराम लामिछाने छन् ।

बिहीबार शंखरापुर–७, च्यानपाटीमा चालक नभएको अवस्थामा बा ५ ख ४३०९ नम्बरको काठ लोड गरेर रोकेको अवस्थामा ट्रक भेटिएको थियो । त्यसक्रममा साँखुबाट प्रहरी निरीक्षक जानुका देबी खरेल सहितको टोलीले चेकजाँच गर्ने क्रममा बरामद गरेर अनुसन्धान थालेको थियो । त्यसक्रममा काठधनी लामिछानेसहित गाठी र काठलाई बरामद गरेर कानुनी प्रक्रिया थालिएको थियो ।बरामद सामग्रीलाई आवश्यक कारबाहीका लागि जिल्ला वन कार्यालय, हात्तिसार पठाइएको प्रहरीले जनाएको छ ।