चौतारा सांगाचोकगढि नगरपालिका १४ का वडा अध्यक्ष सेर वहादुर श्रेष्ठ कुटिए

कपन अनलाइन

सिन्धुपाल्चोक ,असोज ८।

सिन्धुपाल्चोक चौतारा सडकको नाली खन्दा बाटोमा माटो थुपारेको र आवातजावतमा समस्या भएकोले चाँडो काम सक्न अनुरोध गर्दा चौतारा सांगाचोकगढि नगरपालिका १४ का वडा अध्यक्ष सेर वहादुर श्रेष्ठ कुटिएका छन ।
साँगाचोक डडुवा सडकको विषयमा असन्तुष्टि भएका केहि युवाले बाटोमै वडाअध्यक्ष माथि आक्रमण गरेका हुन ।
वडा अध्यक्ष श्रेष्ठ अहिले काठमाडौ बानेश्वर स्थित एभरेष्ट अस्पतालमा उपचार गरिरहनु भएको छ । टाउकोमा गम्भीर चोट लागेको र रगत जमेकोले थप उपचार चलिरहेको उहाँको पारिवारिक श्रोतले वताएका छन ।
अध्यक्ष श्रेष्ठमाथी आक्रमणमा सम्लग्न स्थानिय सुर्य श्रेष्ठ र सुश्मेन श्रेष्ठ रहेको र उनीहरु दुवै अहिले फरार रहेको जिल्ला प्रहरी कार्यालयले वताएको छ । फरार भएका दुवैको खोजी भइरहेको समेत प्रहरीले वताएको छ