मनास्लु वर्ल्ड कलेजले असोज ३ गते छात्रवृत्तिको लागि प्रवेश परीक्षा गराउदै

कपन अनलाइन

काठमाडौं ,असोज १।

काठमाडौं महानगरपालिका वडा नं  ७,चुच्चेपाटीमा अवस्थित रहेको मनास्लु वर्ल्ड कलेजले शैक्षिक सत्र २०७७/०७८ को कक्षा ११ मा अध्ययन गर्न चाहने विधार्थीहरुको लागि अनलाइनको माध्यमबाट प्रवेश परीक्षा असोज ३ गते शनिवारका दिन सञ्चालन गर्दै छ। स्थापनाको छोटो समयमा नै निकै चर्चा बटुलेको उक्त कलेजमा असोज ३ गते  विभिन्न समयमा प्रवेश परीक्षा हुन लागेको हो।

विज्ञान संकाय अध्ययन गर्न चाहने विधार्थीहरुको विहान ११:०० बजेदेखि १२:३० सम्म, व्यवस्थापन, मानविकी तथा कानुनी संकाय अध्ययन गर्न चाहने विधार्थीहरुको लागि दिउँसो १:०० बजे देखी २:३० बजे सम्म अनलाइनको माध्यमबाट प्रवेश परीक्षा हुने कलेजका प्रिन्सिपल राजन श्रेष्ठले बताएका छन।

उक्त विभिन्न संकायमा हुने प्रवेश परीक्षामा सफल भएका मध्ये उत्कृष्ट १०० जना विधार्थी हरुको लागि छात्रवृत्ति प्रदान गर्ने मनास्लु वर्ल्ड कलेजका अध्यक्ष गेन्द्र लामाले जानकारी दिएका छन  ।