गोकर्णेश्वर ३ सुन्ताखानमा रक्तदान सम्पन्न
कपन अनलाइन
काठमाडौं श्रावण २५ ।गोकर्णेश्वर नगरपालिका वडा नं ३ मा रक्तदान कार्यक्रम सम्पन्न भएको भएको छ ।
शनिबार रक्त संचार केन्द्रको प्राबिधिक सहयोगमा लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं राइजिंग सन, लायन्स क्लब अफ काठमाडौं पंचशिल , लायन्स क्लब अफ काठमाडौं सुन्दरीजल, लायन्स क्लब अफ काठमाडौं इन्फीनीटिसहित स्वतन्त्र टोल सुधार समिति र स्वतन्त्र साकोसको संयुक्त आयोजनामा रक्तदान कार्यक्रम सम्पन्न भएको हो, जसमा ३० जनाले रक्तदान गरेको लायन जयराम बिष्टले जानकारी गराए ।
यस भन्दा अघि पनि लायन्स क्लब संगको सहकार्यमा रक्तदान कार्यक्रम आयोजना गरेको ११० दिन पछि पुन शनिबार गोकर्णेश्वर नगरपालिका वडा नं ३ को वडा कार्यालय परिसरमा रक्तदान कार्यक्रम आयोजना गरिएको बताए।उनले रक्तदान गर्न इच्छुक भए पनि धेरै जनाको स्वास्थ्य लगायत विभिन्न कारणले रक्तदान गर्न नसकेको बताए । उनले रक्तदान गर्ने सबैलाई आयोजक संस्थाको तर्फ बाट धन्यवाद दिएका छन् ।
कार्यक्रममा डिस्ट्रिक गभर्नर लायन टंक बहादुर श्रेष्ठ सेकेन्ड भाइस डिस्ट्रिक गभर्नर लायन कर्मा गुरुङ पुर्व डिस्ट्रिक गभर्नर लायन कुमार राज सुवेदी गोकर्णेश्वर नगरपालिका प्रमुख सन्तोष चालिसे , नगरपालिकाका प्रमुख सल्लाहकार दीपक रिसाल वडा अध्यक्ष राजेन्द्र कुमार भण्डारी लगायत आयोजक संस्थाका पदाधिकारी सहित लायन्स लिडर तथा सदस्यहरुको उपस्थिति रहेको थियो ।
