टोखा संस्कृति सम्पदा संरक्षण दबुको अध्यक्षमा मणिराज डंगोल

कपन अनलाइन

काठमाडौं ,साउन ११।

टोखा संस्कृति सम्पदा संरक्षण दबुको भेलाबाट मणिराज  डंगोल अध्यक्षमा  चुनिएका छन्  शनिवार वंतुलि अजिमा द्यः परिसरमा आयोजित  भेलाले दबुको  पुनर्गठन गर्दै डंगोललाई पुन: अध्यक्षमा चयन गरेको हो।

 समितिलाई अर्को भेलामा पूर्णता  दिने बताउदै नवनिर्वाचित अध्यक्ष डंगोलले संस्थालाई गतिशील बनाउन विभिन्न कार्यक्रम तथा योजनाहरु ल्याउने बताएका छन।

उक्त  कार्यक्रममा दबुका निवर्तमान सचिव गणेशमान श्रेष्ठलाई टोखा नगरपालिकाको साँस्कृतिक संरक्षित क्षेत्र विकास समितिको अध्यक्षको जिम्मेवारी बहन गरेकोमा  कार्यक्रमका प्रमुख अतिथि टोखाका देय् नायो हेमराज श्रेष्ठले दोसल्ला ओढाएर सम्मान गरेका थिए ।फोटो सौजन्य :न्युज अफ टोखा