नागार्जुन नगरपालिका वडा नं ४ भैरव टोलमा खानेपानी ट्यांकी शिलान्यास

कपन अनलाइन

काठमाडौं ,असार १९।

नागार्जुन नगरपालिका वडा नं ४ भैरव टोलमा खानेपानी ट्यांकीको शिलान्यास गरिएको छ। काठमाडौं क्षेत्र नं ८ को  स्थानीय पूर्वाधार विकास साझेदारी कार्यक्रम अन्तर्गत  खानेपानी ट्याङ्की निर्माणको प्रतिनिधि सभा सदस्य माननीय जीवनराम श्रेष्ठले शिलान्यास गरेका छन।

वडा नं ४ को सो क्षेत्रमा खानेपानीको सुविधा प्रदान गर्नका लागि निर्माण गर्न लागिएको सो खानेपानी ट्यांकी शिलान्यासमा नागार्जुन नगरपालिकाकी उपप्रमुख   सुशिला अधिकारी, नागर्जुन नगरपालिका वडा न.४ का अध्यक्ष करुण कुमार बलामी, वडा सदस्यहरु र स्थानीयको उपस्थिति रहेको थियो।

खानेपानी ट्यांकी शिलन्यास पश्चात बोल्दै प्रतिनिधि सभा सदस्य श्रेष्ठले खानेपानी  महत्वपूर्ण पूर्वाधार विकास रहेको बताउदै क्षेत्रका अन्य स्थानमा पनि विभिन्न निर्माण भैरहेको जानकारी दिएका थिए।