गोकर्णेश्वर नगरपालिका वडा नं ८ को प्रांगणमा आज हुने रक्तदानमा सहभागी हुन वडा अध्यक्ष मनोजकुमार ढुंगानाको अनुरोध

कपन अनलाइन

काठमाडौं असार १७। गोकर्णेश्वर नगरपालिका वडा नं ८को प्रांगणमा आज हुने रक्तदान कार्यक्रममा सहभागी भई रक्तदान गर्न  वडा अध्यक्ष मनोजकुमार ढुंगानाले अनुरोध गरेका छन। कपन अनलाइन संग संक्षिप्त कुरा  गर्दै उनले सो रक्तदान कार्यक्रममा सहभागी हुनको लागि अनुरोध गरेका हुन्  ।

लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं उत्तरबाहिनी र  गोकर्णेश्वर नगरपालिका वडा नं ८ को आयोजनामा   आज असार  १७ गते बुधबार  बिहान १० बजे देखि २ बजे सम्म हुने सो रक्तदान कार्यक्रममा सहभागी हुन अनुरोध गरेका हुन्  ।

 विश्वभर फैलिएको कोरोना भाइरस महामारीको कारण देश लकडाउन हुँदा अस्पतालहरुमा उपचारार्थ विमारीहरूको लागि रगत अभावका कारण समस्या उत्पन्न नहोस भनेर रक्तदान कार्यक्रम आयोजना गर्न लागिएको हुँदा सामाजिक उत्तर दायित्व अन्तर्गत रक्तदान कार्यक्रममा सहभागी भई रक्तदान गर्नको लागि वडा अध्यक्ष मनोज कुमार ढुंगानाले अनुरोध गरेका हुन्  ।

कोरोनाको कारण  रक्तदाताहरुले स्वास्थ्यको ख्याल गरेर होला रक्तदान नगर्नुभएको,’ दातालाई अपिल गर्दै उनी भन्छन, ‘अन्य बिरामीको स्वास्थ्य र जीवन र मरणको दोसाँधमा परेका व्यक्तिलाई सहयोग गर्नका लागि भए पनि रक्तदान कार्यक्रममा सरिक भइदिनुहोला  ।अन्य मानिसलाई जीवनदान दिनका लागि स्वस्थ व्यक्तिले साहस देखाउनुपर्ने उनको भनाइ  रहेको छ ।