सवारी पास सम्बन्धि जिल्ला प्रशासन कार्यालय काठमाडौंको जरुरि सुचना

कपन अनलाइन

काठमाडौं ,जेष्ठ ३२।

जिल्ला प्रशासन कार्यालय काठमाडौंले नयाँ पास दिन बन्द गरेको छ । गत २८ गतेको मन्त्रिपरिषद्को बैठक ३० गतेको गृह मन्त्रालयको निर्देशन अनुसार जिप्रकाले आइतबार एक सूचना जारी गर्दै पास बन्द गराएको जानकारी दिएको हो ।

नयाँ व्यवस्था अनुसार  काठमाडौँ उपत्याका बाहिर रहेका व्यक्ति काठमाडौं भित्रिन चाहेको खण्डमा काठमाडौँको कुन नगरपालिकामा बस्ने हो त्यही नगरपालिकाले आउनुपर्ने जिल्लाको जानकारी सहित प्रवेशको अनुमति निवेदन कार्यालयमा दिनुपर्ने छ ।

त्यसपछि जिल्ला प्रशासन कार्यालयले कोरोना सङ्क्रमणको जोखिम निर्धारण, फर्किनुको औचित्य आदिको विश्लेषण गरेर पास उपलब्ध गराउने जानकारी गराएको छ ।यस्तै काठमाडौँबाट बाहिर जानको लागि भने व्यक्तिगत र संस्थागत आवश्यकता देखाएर कागजपत्र पेश गर्न अनुरोध गरेको छ ।