जनमत संकलनका लागि बुढानिलकण्ठ वडा नं २ को नबिन प्रयास

कपन अनलाइन

काठमाडौं ,जेष्ठ १८।

बूढानीलकण्ठ नगरपालिका वडा नं २ ले   अनलाईन मार्फत वडा स्तरमा योजना तथा सुझाव संकलन गरेको छ।बन्दाबन्दिको अवस्थामा  प्रविधी प्रयोग गरी वडा नं २ का  ४० वटा टोल समिति, महिला समुह र युवा क्लब र विद्यालयहरुको सहभागितामा  योजना तर्जुमाका लागी  सुझाव संकलन गरीएको थियो।

बन्दाबन्दिकै समयमा पनि सहभागितामुलक प्रक्रिया बाट योजना निर्माण गर्न सकिन्छ भन्ने विश्वासले कार्यक्रम गरीएको जानकारी दिदै वडा नं २ का अध्यक्ष राजेन्द्र खड्काले कार्यक्रममा सहभागीहरुको सुझावले वडाको योजना निर्माणमा सहयोग पुगेको बताएका छन।

सो कार्यक्रम निकै प्रभावकारी रहेको भन्दै अध्यक्ष खड्काले आगामी दिनमा पनि प्रविधिको प्रयोग गर्दै सहभागितामुलक ढंग बाट अन्य अभियानहरु संचालन गर्ने जानकारी दिएका छन।