आमा (कविता )
कपन अनलाइन
काठमाडौं ,बैशाख ६/प्रियांकुश गौतम
आमा तिमी जन्म दिने मलाई
आमा तिमी कर्म दिने मलाई
आमा तिमी एउटा सिङ्गो रूख हो
म त केवल त्यसमा फलेको एउटा मिठो फल हो।
तिमीले मलाई जगत देखायौ
औला समाई हिँड्न सिकायौ
तिमीसँग सिकेँ मैले मिठो बोली
त्यसैले होला रमाउँछु म तिम्रै वरिपरि।
प्रिय लाग्छ मलाई तिम्रो त्यो मुस्कान
त्यही नै हो मेरो जीवनको ठूलो वरदान
धन्य छ तिम्रो त्यो रातदिनको खटाई
खुशी राख्छौ हामीलाई आफ्नो सबै दुःख हटाई।
बाँधी रहन पाऊँ तिम्रो न्यानो अंगालोमा
बसी रहन पाऊँ तिम्रो स्नेहको छायाँमा
म गर्व गर्छु आफूलाई तिम्रो छोरा बन्न पाएकोमा
धन्यवाद छ तिमीलाई मलाई सधैँ
राम्रो बाटोतर्फ हिँड्न सिकाएकोमा।
(गौशाला, काठमाडौं निवासी गौतम पाठशाला नेपाल फाउन्डेसनका विद्यार्थी हुन् )
तपाइँको प्रतिक्रिया ।
