बुढानिलकण्ठ वडा नं १२ का अध्यक्ष शम्भु भट्टराई जव थर्मल गन सहित सडकमा भेटिए …
कपन अनलाइन
काठमाडौं ,बैशाख ६।
बुढानिलकण्ठ नगरपालिका वडा नं १२ का अध्यक्ष शम्भु भट्टराई बैशाख ५ गते वडामा भेटिदा स्वास्थ्य स्वयंसेविका र सहयोगी संगै थर्मल गन लिएर कतै जादै थिए।
वडा कार्यालय अगाडी अकास्मात भेटिएका अध्यक्ष भट्टराईलाई कता जादै हुनुहुन्छ भन्ने हाम्रो प्रश्नमा वडामा रहेका एक वालकलाई ज्वरो आएको सुचना पाएकोले त्यहाँ जांच गरेर समस्या समाधानको प्रयास गर्न जानलागेको बताए।
अहिले वडावासीको स्वास्थ्य सेवा र प्रकोप नियन्त्रणका लागि उनीहरुको मनोवल उच्च राख्ने आफ्नो लक्ष रहेको बताउने भट्टराई वडामा केहि सहयोग बुझेर निकै हतारमा त्यस तर्फ जादै गरेका थिए।
केहि दिन देखि वडा नं १२ मा रौतहट बाट आएको एक परिवारका कारण निकै तनाव र समस्या भोगेका अध्यक्ष भट्टराईले त्यहाँको समस्या समाधान गरे पश्चात अहिले विदेस बाट आएका नागरिकको स्वास्थ्य परिक्षणलाई प्राथमिकता दिएको बताए।
स्थलगत रुपमा रहेको समस्याको मूल कारण थाहा नपाइ वडा नं १२ मा निकै सुरक्षा संवेदनशीलता रहेको विभिन्न सामाजिक संजाल तथा अन्य माध्यम बाट प्रचार हुदा यसले अनावस्यक सन्त्रास फैलिएको बताउदै अध्यक्ष भट्टराईले वडामा सबै सुरक्षित रहेको जानकारी दिएका छन।
प्रकोप नियन्त्रण र रोकथामको मैदानमा सक्रिय स्वयंसेवक र सुरक्षाकर्मीलाई धन्यवाद दिदै अध्यक्ष भट्टराईले वर्तमान समयको माग हल्का आलोचनाको भन्दा पनि एकीकृत पहलको रहेको बताए।
वडा अध्यक्ष भट्टराईले आफ्ना सदस्यहरु सहित अहिले वडाका प्रत्येक घर घरमा पुगेर जनताको समस्या बुझ्ने र तत्काल समाधानको प्रयास गर्ने अभियानमा रहेकोले यसमा सबैको सहयोग गर्न अपिल गरेका छन।
