थोत्रो दराजमा पुस्तकका खात मन पर्छ (गजल )

कपन अनलाइन

काठमाडौं ,बैशाख ४ /विसु कुमार केसी 

कुनै पनि शुभकार्यकोसुरुवात मनपर्छ ।

बच्चैमा खाएको खानादुधभात मनपर्छ ।

जातीय राज्यको कुरा गरिन्छ यहाँ

नारी र पुरुष मात्र दुई जात मनपर्छ।

एउटा छाता यात्री दुई तिमी र म

बेमौसम कै भए पनि बर्षात मनपर्छ ।

टिकट किनेर उम्मेद्वार हुने नेता बिरुद्ध

कार्यकर्ताले गरेको अन्तर्घात मन पर्छ ।

तिम्रो बैठकका किमती बस्तुभन्दा मलाई

थोत्रो दराजमा पुस्तकका खात मन पर्छ ।

माला गाँस्न सजाउन काम लाग्छन फुलहरु

रोगै निको पारिदिन्छ झारपात मन पर्छ ।