अजिज फाउन्डेसन द्वारा बुढानिलकण्ठ वडा नं १० र ११ जनप्रतिनिधिलाई स्यानिटाइजर र मास्क सहयोग

कपन अनलाइन 

काठमाडौं ,चैत १६।

अजिज फाउन्डेसन बुढानिलकण्ठ ११ ले कपन भेट्रान क्लवको सहयोगमा बुढानिलकण्ठ नगरपालिका वडा नं १० र ११ का जनप्रतिनिधि तथा संचारकर्मीलाई स्यानिटाइजर ,मास्क तथा पन्जा वितरण गरिएको छ।

अजिज फाउन्डेसनकी अध्यक्ष शेर्की शेर्पा , कार्यकारी निर्देशक रोसन भण्डारी ,कपन भेट्रान क्लवका संस्थापक अध्यक्ष धुर्वराज न्यौपाने,अध्यक्ष पासांग शेर्पा र  उपाध्यक्ष राजुविक्रम थापा सहितको टोलीले वडा नं १० का अध्यक्ष नवराज भट्टराई र वडा नं ११ का सदस्य बिनोद तामांगलाई सहयोग सामाग्री हस्तान्तरण गरेका थिए ।

सो अवसरमा ३ सय एम एलको स्यानिटाइजर  १६ थान , ६० एम एल को २५ थान ,मास्क ७०० वटाका साथै ह्यान्ड वास र सावुन सहयोग गरिएको थियो।

अहिलेको विषम परिस्थिति संग जुध्नका लागि आफ्नो ज्यानको परवाह नगरी सक्रिय रहेका जनप्रतिनिधि र संचारकर्मीको स्वास्थ्य र सुरक्षाका लागि यो सहयोग गरिएको फाउन्डेसनकी अध्यक्ष शेर्की शेर्पाले बताइन । उनले आगामी दिनमा पनि वडा कार्यालय र अन्य क्षेत्रमा पनि आवस्यक सहयोग गर्न आफु तयार रहेको बताउदै सबैले यो महामारी संग जुध्नु पर्ने धारणा राखेकी छन ।