कन्टेनर भित्र लुकेर बिरगंज जादै गरेका ५२ यात्रु प्रहरीको नियन्त्रणमा

कपन अनलाइन

बिरगंज  चैत्र १२। नियम उलङघन गर्ने कन्टेनर चालक सहित ५२ जनालाई प्रहरीले नियन्त्रणमा लिएको छ ।काठमाडौंवाट समान अनलोड गरेर वीरगञ्ज जाँदै गरेको  कन्टेनर भित्र लुकेर जाँदै गर्दा ५२ जना यात्रुलाई प्रहरीले नियन्त्रणमा लिएको हो ।उनीहरुलाई मंगलबार मध्यराति वीरगञ्जको घण्टाघरबाट प्रहरीले नियन्त्रणमा लिएको प्रहरीले जानकारी दिएको  छ ।उनीहरु लकडाउन उल्लंघन गर्दै काठमाडौंबाट चितवनको भरतपुर, हेटौंडा हुँदै वीरगञ्ज आइपुगेका थिए ।

काठमाडौंमा सामान छाडेर वीरगञ्ज फर्किँदै गरेको ना ५ ख ९५५२ नम्बरको कन्टेनरमा मानिसहरु चढेका थिए । उनीहरुले कन्टेनर चालकलाई २–२ सय रुपैयाँ भाडा दिएको यात्रुहरूले उदृत गर्दै बताएको हाे ।नियन्त्रणमा रहेका यात्रुहरूलाई प्रहरीले छाडेको  छैन ।

फोटो :रोशन दानी