के लेखियो कांग्रेस र एमालेबीच ६ बुँदे सहमतिमा ?
कपन अनलाइन , २६ माघ – नेपाली कांग्रेस र एमालेबीच ६ बुँदे सहमति भएको छ । सरकार गठन प्रक्रियालाई अघि बढाउने र समयमै संविधान निर्मा गर्न दुई दलबचीय यस्तो सहमति भएको हो ।
संविधान जारी नभएसम्म अहिलेकै राष्ट्रपतिलाई निरन्तरता दिने सहमति भएको छ । नयाँ बानेश्वरमा बसेको दुई दलको बैठकमा नयाँ संविधान नबनेसम्म अहिलेकै राष्ट्रपतिलाई निरन्तरता दिने सहमति भएको हो ।
‘संविधान जारी नभएसम्म अहिलेकै राष्ट्रपतिलाई निरन्तरता दिनका लागि उहाँको कार्यकाल संसदबाट अनुमोदन गर्नुपर्ने सहमति भएको छ,’ एमाले महासचिव ईश्वर पोखरेलले भने, ‘यसमा कांग्रेस पनि सकारात्मक देखिएको छ ।’
दुईदलबीच यस्तो सहमति भएसँग अन्तरिम संविधान २०६३ संसोधन हुने भएको छ । संविधान संसोधनका लागि सरकारले आइतबार नै त्यससम्बन्धि विधयक आइतबार नै संसद सचिवालयमा टेबल गर्ने बुझिएको छ । कांग्रेस र एमालेबीच भएकाे सहमतिमा सभामुख भने एमालेलाई दिने उल्लेख गरिएको छ ।
दुई दलबीच भएको सहमति अनुसार संविधानसभा अध्यक्ष एमालेको भागमा परेको छ भने गृह मन्त्रालय पनि एमालेले नै पाउने भएको छ ।
