चपलिका मतदातासँग आशिर्वाद लिए निर्मल कुइँकेलले

कपन अनलाइन स्थानीयवासीको आशिर्वाद थाप्दै एमाले उम्मेदवार चपलीको घरदैलोमा नेकपा एमाले क्षेत्र नं ४ का उम्मेदवार निर्मल कुइकेलले घरदैलो कार्यक्रमलाई तीव्रता दिएका छन् । कार्तिक २, ३, ४ मा कपनमा घरदैलो कार्यक्रमको पहिलो चरण सम्पन्न गरेका कुइकेलले कार्तिक ५ गते दिनभर चपली गाविसमा बिताए । चपलीको महादेव कोलोनीबाट शुरु भएको घरदैलो कार्यक्रम गाविसका ७, ८, ९, २ र १ का केही भागमा जनतासँग साक्षात्कार गर्दै मुहानपोखरीमा कोणसभा गरी सम्पन्न भएको थियो ।

कार्यक्रमपछि स्थानीय एक वृद्धले हालसम्म जितेका कुनैपनि उम्मेदवार चुनाव पछि नआएकामा निर्मल कुइकेलले जितेपनि हारेपनि यो क्षेत्रको विकासमा कुनै पनि कसर बाँकी नराख्ने प्रतिबद्धता गर्दा आपूm खुशी भएको बताए  । यस गाविसमा चिल्ला कुरा गर्ने धेरै आएको तर एमालेका उम्मेदवारले आपूmले गर्न सक्ने काममा मात्र प्रतिबद्धता जनाएकाले एमाले पार्टीप्रति भरोसा लागेको समेत बताए । कार्यक्रममा कार्यकर्ताभन्दा बढी साधारण मतदाताको उपस्थिति रहेको थियो