लिबर्टी एकेडेमी प्रथम अन्तर बिद्यालय बालकुमार गुरुङ मेमोरियल फुटसल प्रतियोगिताको क्वाटरफाइनलमा प्रवेश

कपन अनलाइन

काठमाडौँ,मंगसिर २८ । राष्ट्रिय निजी तथा आवासीय विद्यालय संगठन (नेसनल –प्याब्सन) गोकर्णेश्वर द्वारा स्व. बाल कुमार गुरुङको स्मृतिमा आयोजित  प्रथम अन्तर बिद्यालय बालकुमार मेमोरियल फुटसल प्रतियोगिताको दोस्रो दिनको खेलहरु सम्पन्न भएको छ । काठमाडौं जिल्लाका निजी तथा सामुदायिक बिद्यालयहरु मध्ये कुल ३९ वटा बिद्यालयका ४४ वटा टिमले सहभागिता जनाएको उक्त प्रतियोगिता  बिहिबार बाट  ब्राइट जोन स्कुलको फुटसल मैदान जोरपाटी नयाबस्तिमा सुरु भएको हो।

शैक्षिक ज्ञान र शिप बिकासको साथ साथै खेल कौशलको माध्यम बाट आचरण सुधार गर्दै खेल कौशलको बिकास गर्नुको लागि अन्य शैक्षिक संस्थाहरु संगको सम्बन्ध प्रगाढ बनाउनुको साथै स्व बाल कुमार गुरुङले शैक्षिक क्षेत्रमा पुर्याएको योगदानलाइ स्मरण गर्दै उनको स्मृतिमा उक्त प्रतियोगिता आयोजना  गरिएको हो।प्रतियोगिताको दोस्रो दिन पनि पहिलो चरणका खेलहरु सम्पन्न भएका छन् । शुक्रबार भएको खेलमा लिबर्टी एकेडेमी बाल संसार स्कुललाई ६–० गोल अन्तरले हराउदै पहिलो क्वाटरफाइनलमा पुग्ने टिम बन्न सफल भएको छ । यसै गरि विट्स एकेडेमी , वर्ल्ड युथ इन्टरनेसनल , भेनस पब्लिक स्कुल लयागतका स्कुलहरु दोस्रो चरणमा प्रवेश  गरेका छन् । प्रतियोगितामा म्यान अफ द म्याच घोसित हुनेहरुलाई निसानका अध्यक्ष  ओम प्रसाद ढकाल लगायतले मेडल प्रदान गरेका थिए ।

प्रतियोगितामा प्रथम दितीय, तृतीय तथा उत्कृष्ट खेलाडीहरुलाई ट्रफी मेडल प्रमाण पत्र प्रदान गरिनेछ ।कक्षा ८ सम्मका ४ फिट १० इन्च उचाई भएका १३ बर्ष सम्मका खेलाडीहरुलाइ प्रतियोगितामा समाबेश गरिएको  छ भने प्रतियोगितालाइ सफलता पुर्वक सम्पन्न गर्नको लागि गोकर्णेश्वर नगरपालिका, भेनस नेसनल कलेज, इष्ट पोल इन्टरनेसनल कलेज, संजीवनी पब्लिकेसन , शुभारम्भ पब्लिकेसन , पी एस एल फाइबर ग्लास, युनिक पब्लिकेसन ,छहारी बुक्स एण्ड स्टेसनरीको सहयोग रहेको  साथै प्याब्सन  गोकर्णेश्वर नगर कमिटिको पनि साथ रहेको  आयोजकले बताएको छ  ।

फोटो :सरोज बस्नेत