चन्द्रागिरी नगरपालिका – १५ मा एसियन पेन्ट्स भएको ३ वटा सटरमा आगलागी

काठमाडौं, मंसिर २६। चन्द्रागिरी नगरपालिका – १५ स्थित ढुङ्गेअड्डामा रहेको एसियन पेन्ट्स राखेको इट्टाको पर्खाल र माथिबाट जस्ताको टहरा हालेका ३ वटा सटर र सम्झना न्यौपानेको बिनायक लेडिज टेलर्स एण्ड कस्मेटिक पसलको २ वटा सटरमा आगलागी भएको छ ।

आगलागी बिहान  करिब ०६:५० बजेको समयतिर भएको हो। सो एसियन पेन्ट्सको पसल स्थाई घर गुल्मी भै हाल का.म.न.पा. १४ कलंकी बस्ने मधु कुँवर,सागर पन्त र लक्ष्मी पाण्डेको संयुक्त लगानीमा संचालन भैरहेको थियो । 

बन्द सटरमा एक्कासि आगो लागेकोले बिद्युत सर्ट भएर आगो लागेको अनुमान गरिएको छ ।  २ वटा काठमाडौं र एक ललितपूरको दमकल गरि ३ वटा दमकल,मातातिर्थ खानेपानीको ७ वटा जति पानी ट्याण्कर,नेपाल प्रहरी र सशस्त्र प्रहरी बल तथा स्थानीय बासिको सहयोगमा ०७:५८ मा आगलागी नियन्त्रणमा आएको छ।

खाली चौर भएकोले अन्यत्र आगो फैलन नपाएको स्थानीयले बताए। घटना बारे थप विवरण आउन बाँकि छ।

फोटो: दिनेश महर्जन