सेन्ट जर्ज स्कुल  ,काठमाडौं -५  को एसेम्बली इन्टरएक्सनमा पुर्व क्रिकेटर

कपनअनलाइन

काठमाडौं, मंसिर ११ ।

सेन्ट जर्ज स्कुल  ,काठमाडौं -५ मा विद्यार्थीको लागि प्रत्येक महिना विद्यार्थीमा प्रेरणा जगाउन, सामाजिक मूल्य र मान्यता प्रति जागरुक गराउँदै आफूलाई भविष्यमा जिम्मेवार नागरिक बनाउने उदेश्यका साथ विशिष्ठ ब्यक्ति मार्फत  एसेम्बली इन्टरएक्सन कार्यक्रम गर्ने तालिका अनुसार यस महिना पूर्व नेशनल कृकेट खेलाडी, ग्रेट हिमालय कृकेट एकाडेमीका अध्यक्ष सुदिप शर्मालाई आमन्त्रण गरि विद्यार्थीहरु संग अन्तरकृया गरेका छन ।

सो कार्यक्रममा उनले आफ्नो बाल्यकाल, शैक्षिक तथा खेलकुद क्षेत्रमा पाएको सफलता तथा संघर्षका दिनहरुको बारेमा विद्यार्थीहरुलाई जानकारी गराउँदै विद्यार्थीका जिज्ञासाहरुलाई सम्बोधन गर्नुका साथै विद्यार्थीहरुलाई खेलप्रति जागरुक गराउँदै आफ्नोतर्फबाट गर्न सक्ने सबै किसिमका सहयोग गर्ने प्रतिबद्धता ब्यक्त गरेका थिए ।

ओशिका दाहाल, ओजस्वी भुसाल, आशिक हुसेन, कृतिका दाहाल, समीर राउत, सुसान गौतम, पूर्णिामा खड्का लगायतका विद्यार्थीहरुले उनलाई विभिन्न प्रश्न सोधेका थिए ।

कार्यक्रममा स्वागत विद्यालयका प्र .अ. मेघराज बजगाईले राखेका थिए भने विद्यालयका अध्यक्ष प्रल्हाद दाहालले मायाको चिनो प्रदान गर्नुका साथै शर्मालाई विशेष धन्यवाद दिँदै विद्यार्थीहरुलाई शर्माले भनेका कुराको अनुसरण गर्न अनुरोध गरेका थिए ।