पाँचपोखरी थाङ्गपाल गाउँपालिकाको तिपेनीमा नवनिर्मीत प्रहरी चौकी भवन उद्घाटन
कपनअनलाइन
सिन्धुपाल्चोक,कार्तिक २४। पाँचपोखरी थाङ्गपाल गाउँपालिकाको तिपेनीमा नवनिर्मीत प्रहरी चौकी भवनको उद्घाटन भएको छ ।३ नम्बर प्रदेश प्रहरी कार्यालय हेटौंडाका प्रमुख प्रहरी नायव महानिरीक्षक शेर बहादुर बस्नेतले उक्त भवन उद्घाटन गरेका हुन्।
उक्त कार्यक्रममा प्रहरी नायव महानिरीक्षक बस्नेतले उक्त भवन निर्माण कार्यमा सहयोग गर्ने विभिन्न महानुभावहरुलाई प्रशंसापत्र प्रदान गरेका थिए ।
कार्यक्रममा संघीय प्रहरी ईकाई कार्यालय काभ्रेका प्रमुख प्रहरी बरिष्ठ उपरीक्षक भोज जंग शाह, जिल्ला प्रहरी कार्यालय सिन्धुपाल्चोकका प्रमुख प्रहरी उपरीक्षक प्रज्वल महर्जन, सिन्धुपाल्चोक जिल्लाका सहायक प्रमुख जिल्ला अधिकारी भिमकान्त शर्मा, पाँचपोखरी थाङपाल गाउँपालिकाका अध्यक्ष टासी लामा, उक्त गाउँपालिकाका वडा अध्यक्षहरु, संचारकर्मी, विभिन्न राजनैतिक दलका प्रतिनिधि, विभिन्न संघसंस्थाका प्रतिनिधि, पूर्व प्रहरी कर्मचारीहरु लगायत स्थानीय बासिन्दाको सहभागीता रहेको थियो।
राष्ट्रिय पुन:निर्माण प्राधिकरणको सहयोगमा उक्त भवन निर्णाण सम्पन्न भएको हो ।
