भाग्योदय मा .वि. शंखरापुरको ७० औँ वार्षिकोत्सव सम्पन्न

कपनअनलाइन

काठमाडौँ,कार्तिक २०। भाग्योदय माविले आफनो स्थापनाको  ७० औँ वार्षिकोत्सव एक कार्यक्रम गरेर मनाएको छ ।

विद्यालय व्यवस्थापन समितिका अध्यक्ष निरज केसीको सभापतित्वमा भएको सो कार्यक्रममा प्रमुख अतिथिको रुपमा शंखरापुर नगरपालिकाका मेयर सुवर्ण श्रेष्ठ रहेका थिए।

प्रमुख अतिथि शंखरापुर नगरपालिकाका मेयर सुवर्ण श्रेष्ठले कार्यक्रमको शुभारम्भ गर्दै  यस क्षेत्रकै पुरानो विद्यालयको प्रगतिको कामना गर्दै भने– “शंखरापुर नगरपालिकाले शिक्षा क्षेत्रमा आवश्यक बजेट विनियोजन गरेको छ । साथै शैक्षिक विकासको लागि स्थानीय पाठ्यक्रम समेत तयार गरेको बताए ।”

कार्यक्रममा अतिथि शंखरापुर नगरपालिकाका शिक्षा विभाग प्रमुख बौधराज निरौलाले शंखरापुर नगरपालिका भित्रका शैक्षिक समस्या र चुनौतीबारे बताउँदै भाग्योदय मावि पहुँचको दृष्टिकोणले सहज पहुँचमा रहेको, विद्यालय संख्या पनि न्यून नभएको बताउँदै तर पनि करिब ५ सय हाराहारीमा विद्यार्थी पुर्याउने लक्ष्य लिनुपर्ने बताए ।

विद्यालय प्राङ्गणमा  भएको सो कार्यक्रममा नेपाली कांग्रेसका राजुभाई मानन्धर, नेकपा (नेकपा)का एलपी श्रेष्ठ, शंकर दुलाल लगायतका वक्ताहरुले शुभकामना मन्तव्य दिएका थिए।

फोटो सौजन्य: लाबण्य सन्देश