लायन्स क्लब अफ काठमाडौँ कपन द्वारा शिवरात्रिकोअवसरमा नि:शुल्क पिउने पानी वितरण
कपन अनलाइन
काठमाडौँ, फाल्गुन २ ।
हिन्दूहरुले आफ्ना आराध्यदेव पशुपति महादेवको आराधना, भजन किर्तन, पूजा, होम आदि गरेर मंगलबार अधिराज्यभर महाशिवरात्रि पर्व मनाइएको छ। महाशिवरात्रिमा भगवान पशुपतिनाथको दर्शनका लागि आउने साधु, सन्त र सर्वसाधारणका लागि पशुपति क्षेत्रमा लायन्स क्लब इन्टरनेसनल डिस्ट्रिक ३२५ ए १ अन्तर्गतको लायन्स क्लब अफ काठमाडौँ कपनले महाशिवरात्रीको अवसरमा नि:शुल्क पिउने पानीको व्यवस्था गरेको थियो।
उक्त निशुल्क पानी वितरण कार्यक्रममा लायन्स क्लब इन्टरनेसनल डिस्ट्रिक ३२५ ए १ का फर्स्ट भि डी जी अनन्त प्रसाद भेटवाल पनि सहभागी भएका थिए ।सामाजिक उत्तरदायित्व अन्तर्गत उक्त कार्यक्रम आयोजना गरेको लायन्स क्लब अफ काठमाडौ कपनका प्रेसिडेन्ट राजेश खड्काले कपन अनलाइन लाइ जानकारी दिए। उनले लायन्स क्लब अफ काठमाडौँ कपनले बिगतमा पनि सामाजिक कार्यक्रम गर्दै आएको र आगामी दिनमा पनि गर्दै जाने बताए ।
