रिलायन्स ह्याण्डबल च्याम्पियन

कपन अनलाइन बद्रि भट्टराई

राजधानीमा जारी अन्तरविद्यालयस्तरीय छात्र तथा छात्रा ह्याण्डबल प्रतियोगिता २०७० को छात्रा तर्फको उपाधी कपनको रिलायन्स इन्टरनेसल एकेडेमीले प्राप्तगर्न सफल भएको छ । हिजो भएको खेलमा रिलायन्सले भक्तपुरको मेरीगोल्ड विद्यालयलाई ७ गोलका विरुद्ध ३ गोलले पराजित गर्दै उपाधिलाई आफ्नो पक्षमा पारेको हो  । बृहस्पति बिद्यासदनमा भएको प्रतियोगितामा रिलायन्सलाई उपाधी विजेता बनाउन सुजता अधिकारी, अप्सरा खड्का र आश्मा भट्टराईले समान दुइ – दुइ गोल गरेका थिए भने १ गोलको योगदान रहेको थियो ।

सोहि प्रतियोगिता अन्तर्गत छात्र तर्फको खेलमा ललितपुरको आइडियल मोडल स्कुल प्रथम तथा कपनको जुगल इङ्गलिस स्कुल दोस्रो भएको छ । विद्यालय ह्याण्डबल संघको आयोजनामा सञ्चालित उक्त प्रतियोगितामा छात्र तर्फ राजधानीका २४ विद्यालयहरु सहभागी थिए भने छात्रा तर्फ १२ विद्यालयहरु सहभागी थिए । भाद- २२ गते उद्घाटन भएको उक्त प्रतियोगिताको समापना हिजो नै सम्पन्न भएको छ । समापन कार्यक्रम तथा पुरस्कार वितरण कार्यक्रम नेपाल ह्याण्डबल संघका पदाधिकारी, प्रशिक्षक , राष्ट्रिय ह्याण्डबल टोलीका खेलाडी सहित काठमाण्डौं, भक्तपुर, ललिपतुरका पदाधिकारीहरुको समेत उपस्थिति रहेको थियो ।

आगामी असोज महिनमा नेपालमा आयोजना हुन लागेको सार्क विद्यालय स्तरीय ह्याण्डबल प्रतियोगिताका लागि खेलाडी छनौट समेतको उद्धेश्यले आयोजना गरिएको बताइएको यस प्रतियोगितामार्फत मध्यमाञ्चलको खेलाडीहरुको छनोट समेत सम्पन्न भएको जानकारी विद्यालय ह्याण्डबल संघका महासचिव विराटमान ब्रजाचार्यले उक्त समापन समारोह मार्फत जानकारी दिएका थिय ।