आशा फुट्सल प्रतियोगिताको उपाधि रेभ फुटसलले जित्यो

कपन अनलाइन

काठमाडौँ,माघ २८ ।

बुढानिलकण्ठ नगरपालिका वडा नं १० मा रहेको आशा नामक सामाजिक संस्थाको आयोजनामा भएको अन्डर २१ फुटसल प्रतियोगिता सम्पन्न  भएको छ ।ह्यास ट्याग व्हाई द सेम अभियान अन्तर्गत युवाहरुलाई खेलको माध्यम बाट उनीहरु भित्र रहेको प्रतिभा प्रष्फुटन गर्ने उदेश्यका साथ् आयोजना गरिएको उक्त फुटसल प्रतियोगितामा कुल २७  टिम सहभागी भएका थिए। तीन दिन सम्म  चलेको उक्त प्रतियोगितामा प्रथम स्थान  रेभ फुटसलले हासिल गरेको थियो भने दितीय स्थान जेसी कपनले हासिल गरेको थियो ।

उक्त प्रतियोगितामा बेस्ट प्लेयर र सर्वाधिक गोलकर्ता  रेभ फुट्सलका श्रीकृष्ण  श्रेष्ठ भए। उनले खेल अवधिभर १८ गोल गरेका थिए ।   हार्दिक फुट्सल का रमण श्रेष्ठ उत्कृष्ठ गोल रक्षक भएका थिए  ।   स्प्रिट अफ द टुनामेन्ट यस एन वाई सी फुटबल क्लब भएको थियो ।

उक्त फुट्सल प्रतियोगिताको पुरस्कार वितरण कार्यक्रमको प्रमुख अतिथि बुढानिलकण्ठ नगरपालिकाका प्रमुख अतिथि उद्दब खरेल रहेका थिए भने बिशेष अतिथिमा सिद्देश्वर योग तथा साधना केन्द्रकी अध्यक्ष  कमला पाण्डे रहेकी थिइन् ।

कार्यक्रम को सभाध्यक्षता बुढानिलकण्ठ नगरपालिका वडा नं १० का वडा अध्यक्ष नवराज भट्टराईले गरेका थिए ।उक्त कार्यक्रममा बिजयी भएका खेलाडीहरुलाई प्रमुख अतिथिले  ट्रफी मेडल र प्रमाण पत्र बितरण गरेका थिए।  उक्त  प्रतियोगिता बुढानिलकण्ठ नगरपालिका वडा नं १० मा रहेको श्रेष्ठ फुट्सल एण्ड फूड क्याफे बालुवा खानीमा सम्पन्न भएको थियो ।