पशुपति बहुमुखी क्याम्पसले ३८औं वार्षिकोत्सव मनायो

कपन अनलाइन 

काठमाडौ ,माघ १९

पशुपति बहुमुखी क्याम्पस ३८ वर्षमा प्रवेश गरेको छ । क्याम्पसको   ३८ औं वार्षिकोत्सव शुक्रबार क्याम्पस प्राङ्गणमा एक कार्यक्रमको आयोजना गरि  सरस्वतीको पूजाअर्चना गरेर  मनाइएको थियो  ।उक्त ३८ औं वार्षिकोत्सवको अवरमा सहायक क्याम्पस प्रमुखहरु  चन्द्रप्रसाद पन्त,कल्याण दाहाल र फणीन्द्र आचार्य सहित  प्राध्यापक संघका सभापति शुमन बस्नेत, कर्मचारी संघको अध्यक्ष मदन उपाध्याय, कलेजका अध्यापक,कर्मचारी र विद्यार्थीको सहभागिता  रहेको थियो।

उक्त  अवसरमा सञ्चालक समितिका पदाधिकारी, क्याम्पस प्रमुख प्रयागराज भट्टराई,पूर्व क्याम्पस प्रमुख विष्णुप्रसाद पन्त र संस्थापक चन्द्रप्रसाद त्रिपाठीले सामुहिक सरस्वतीको पूजा अर्चना गरेर कार्यक्रम सम्पन्न गरिएको थियो  । क्याम्पस प्रमुख प्रयागराज  भट्टराईले लामो इतिहास बोकेको संस्थाले यो अवस्थामा आउन निकै संघर्ष गरेको बताउदै शैक्षिक क्षेत्रमा गुणस्तरीय उच्च शिक्षा प्रदानका लागि दत्तचित्त भएर अघि बढने बताएका थिए ।