बुढानिलकण्ठ नगरपालिका वडा नं १२ फैका बाट २ लुटेरा पक्राउ परे

कपन अनलाइन 

काठमाडौ,माघ १६।

बुढानिलकण्ठ नगरपालिका वडा नं १२ फैका बाट लुटपाटमा संलग्न २ जनालाई कपन प्रहरी प्रभागले पक्राउ गरेको छ ।संखुवासभा जिल्ला स्थायी बसोवास भएका लादर छिरिंग र छिरिंग भोटेलाई लुटपाट र कुटपिट गरेको अभियोगमा प्रक्राउ गरिएको हो।

उनीहरुले मिंग्मा शेर्पालाई कुटपिट गर्दै उनको साथमा रहेको ११,८०० नगद लुटेका थिए भने उनीहरुले शेर्पालाई निर्घात रुपमा कुटपिट समेत गरेका थिए ।

प्रहरीले उक्त लुटेराहरुलाई थप अनुसन्धानको लागि प्रहरी वृत बौद्ध पठाएको कपन प्रहरी प्रभागले जनाएको छ ।