श्री मिननाथ आदर्श शिक्षा सदन आधारभूत विद्यालय ललितपुरको दोश्रो पूर्व विद्यार्थी भेला २०७४ सम्पन्न

कपन अनलाइन

काठमाडौं,माघ १४।

ललितपुर महानगर पालिका वडा नं. १२ स्थित श्री मिननाथ आदर्श शिक्षा सदन आधारभूत विद्यालयको माघ १३ गते शनिबार दोश्रो पूर्व विद्यार्थी भेला २०७४ सम्पन्न भएको छ।

कार्यक्रमका प्रमुख अतिथि ललितपुर महानगर पालिकाका उप–मेयर गिता सत्यालले सरकारी विद्यालय भएपनि यस विद्यालयले प्रदान गरिरहेको शिक्षाको स्तर सराहनिय भएको र पूर्व विद्यार्थीहरुले स्कूल प्रति देखाएको लगावलाई प्रशंसा गरेकी थिइन् ।

उप–मेयर सत्यालले आगामी दिनमा सबै सरकारी विद्यालयहरु नगरपालिका मातहतमा  संचालन हुने भएकोले स्थानिय जनसहभागिता र पूर्व विद्यार्थीहरुको समेत सहभागी गरी गुणस्तरीय शिक्षा प्रदान गर्न नगरपालिका लागि पर्ने बताइन । यस विद्यालयको भौतिक पूर्वाधार निमार्णका लागि आवश्यक सहयोग जुटाई दिने बचन दिइन ।

उक्त कार्यक्रममा ललितपुर उद्योग बाणिज्य संघका अध्यक्ष कृष्णलाल महर्जन, पूर्व अध्यक्ष अजरमान जोशी, ललितपुर महानगर पालिका वडा नं. १२ का अध्यक्ष नारायण लाल अवाले, विद्यालय व्यवस्थापन समितिका अध्यक्ष कल्याण कृष्ण ताम्रकार समेतले आ–आफ्नो मन्तव्य राखेका थिए।

कार्यक्रम पूर्व विद्यार्थी भेला आयोजक समितिका संयोजक कबिन्द्र राज ताम्राकारको सभापतित्वमा भएको थियो ।

सो अवसरमा प्रमुख अतिथीबाट आर्थिक तथा भौतिक सहयोग गर्ने पूर्व विद्यार्थी, शिक्षक, विभिन्न संघ संस्थाहरुलाई कदर तथा सम्मान गरिएको थियो । कार्यक्रममा पूर्व विद्यार्थीहरु तथा अध्ययनरत विद्यार्थीहरु बाट साँगितिक कार्यक्रम प्रस्तुत गरिएको  थियो ।