सिद्धेश्वर योग साधना केन्द्रको सर सफाई कार्यक्रम सम्पन्न

कपन अनलाइन

काठमाडौ,पौष २७।

सिद्धेश्वर योग साधना केन्द्रले रास्ट्रिय एकता दिवसको अवसरमा सर सफाई कार्यक्रम आयोजना गरेको छ ।योग साधना केन्द्रको साथमा आशा नामक संस्था र संगीत कुन्ज नेपालले पनि उक्त सरसफाई कार्यक्रममा सहयोग गरेका थिए।

बुढानिलकण्ठ नगरपालिकाका विभिन्न स्थानमा योग कक्षा संचालन गर्दै आएको यस संस्थाले आफ्नो सामाजिक उत्तरदायित्व र राष्ट्रप्रेमको भावनाले प्रेरित भएर रास्ट्रिय एकता दिवसको अवसरमा सो सर सफाई कार्यक्रम आयोजना गरेको केन्द्रकी अध्यक्ष कमला पाण्डेले बताइन ।

योग र संगीत लाई जोडेर स्वस्थ व्यक्ति र समाज बनाउने उदेश्य लिएर संचालन भएको यस केन्द्रले विविध सामाजिक कामहरु सम्पन्न गरेको र आगामी दिनमा पनि अझै परिस्कृत रुपमा गतिविधि संचालन गर्ने योजना रहेको संगीत कुन्ज नेपालका संयोजक श्याम पोखरेलले कपन अनलाइनलाई बताए ।