महिला समुहहरुको पहलमा गोकर्णेश्वर १ ओख्रेनिमा टाटा सुमो सेवा संचालन

कपन अनलाइन 

काठमाडौ,पौष २४।

गोकर्णेश्वर नगरपालिका वडा नं १ ओख्रेनीमा स्थानीय महिला समुहहरुको पहलमा टाटा सुमो संचालन गरिएको छ ।स्थानीय भगवान युवा क्लवको व्यवस्थापनमा सो स्थानमा सकृय रहेका विभिन्न महिला समुहहरुले संकलन गरेको नियमित बचत बाट सो सवारी साधन खरिद गरिएको हो।

ओख्रेनी बाट काठमाडौं सहर आउदा र जाँदा स्थानीयहरुले १०० रुपैया एक तर्फी भाडा तिर्दै आएका छन।हिउदमा यातायात नियमित र सहज भए पनि वर्षातको समयमा बाटोमा समस्या आउदा यिनै महिला समुहको सक्रियतामा संकलित रकम बाट बाटो मर्मत सुधार गरिदै आइएको छ ।

गाउमा आफ्नै पहल बाट सवारी साधन खरिद गरे पश्चात आपत विपद पर्दा यसले निकै सहज भएको स्थानीय महिला समुहकी एक सदस्यले बताइन।यस्तो सामुहिक कार्यले महिलाहरुमा सकारात्मक परिवर्तन ल्याउन निकै सहयोग पुगेको उनले बताइन ।

सो क्षेत्रमा अहिले नियमित रुपमा भाडाका केहि सवारीसाधन चल्ने गरेका छन जुन अपुग रहेको स्थानीय हरुको गुनासो छ । नियमित र समयमा सवारी साधन नचल्दा आवगमन रविद्यालय जाने विद्यार्थी लाई समेत अफ्ट्यारो परेको स्थानीय हरुले गुनासो गरेका छन ।