श्री सुन्तखान मावीको खेलकुद सप्ताह २०७४ सम्पन्न
कपन अनलाइन
काठमाडौ,पौष १६ ।
गोकर्णेश्वर नगरपालिका वडा नं ३ मा रहेको श्री सुन्तखान माध्यमिक विद्यालयले खेलकुद सप्ताह २०७४ सम्पन्न गरेको छ ।गत पौष १४ गते शुक्रबारका दिन विद्यालयले एक कार्यक्रमका बीच उक्त खेलकुद सप्ताह अन्तर्गत संचालन भएका बिभिन्न खेलहरुमा बिजयी भएका बिद्यार्थी हरुलाई मेडल तथा प्रमाण पत्र वितरण गरेको थियो ।
उक्त कार्यक्रमका प्रमुख अतिथि लिबर्टी स्कुल का प्रिन्सिपल ओम प्रसाद ढकाल रहेका थिए भने कार्यक्रमको सभाध्यक्षता श्री सुन्ताखान माविका प्रधानाध्यापक झलक अनुपम सर रहेका थिए कार्यक्रम संचालन सोहि बिद्यालयका शिक्षक पुष्पराज भण्डारीले गरेका थिए ।
उक्त खेलकुद सप्ताहमा बिजयी भएका बिद्यार्थीहरुलाई पुरस्कारको सौजन्य लिबर्टी एकेडेमीले गरेको थियो।
सभाध्यक्ष को आसन बाट बोल्दै श्री सुन्ताखान माबीका प्र अले पुरस्कार सौजन्य गर्ने लिबर्टी एकेडेमीलाइ धन्यबाद दिंदै आगामी दिनमा पनि सहकार्य गरेर शिक्षा को गुणस्तर बृद्दी गर्नु पर्ने बताएका थिए ।
उक्त कार्यक्रमामा प्रमुख अतिति लिबर्टी एकेडेमीका प्रिन्सिपल ओम प्रसाद ढकाल ले बिजयी बिद्यार्थी हरुलाई मेडल प्रमाण पत्र वितरण गर्दै बिद्यार्थी जीवनमा खेलकुदको बिसेष भूमिका हुने बताएका थिए ।
उनले शारीरिक र मानसिक रूपमा सक्षम हुन खेलकुदको महवपूर्ण भूमिका रहेकोले खेलले प्रतक्ष्य वा अपत्यक्ष रूपमा पढाइलाई सहयोग पुर्याउने हुँदा अबका दिनमा विद्यार्थी पढाइमा मात्र आब्बल भएर हुँदैन । खेलमा विशेष रुचि राख्ने विद्यार्थी यससँगै अन्य क्षेत्रमा सफल हुने बताएका थिए ।
