बालउद्धार स्कूलमा अझै भट्टि चलिरहेको छ

कपन अनलाइनकपन ३ मा रहेको चर्चित बालउद्धार स्कूल तथा कपन बहुमुखी क्याम्पस भवनको व्यापारिक सटरहरुमा भट्टि पसल तथा रक्सि विक्री पसल अझै सञ्चालन भैरहेको छ । स्कूल तथा क्याम्पस जस्तो शिक्षा प्रदान गर्ने संस्थाको वरपरसमेत यस्ता मादक पदार्थ विक्री वितरण हुन नहुनेमा स्कूलको भवनमा नै यस्ता पसल सञ्चालन हुनु आफैमा दुखद पक्ष हो । यस विषयमा करिब ६ महिना अघि कपन अनलाइनले समाचार प्रकाशित गरेपछि व्यवस्थापन समितिले यस्ता मादकपदार्थ विक्री वितरण गरिने भट्टि तथा पसल बन्द गरिने प्रतिबद्धता जनाएको थियो ।
अझै बालउद्धारको व्यापारिक सटरहरुमा ३ वटा यस्ता रक्सिजन्य पदार्थ विक्री पसल भएको भेटिएको छ । कपनका विभिन्न राजनीतिक दलहरुले भागवण्डामा राजनीतिक व्यक्तिहरुबाट सञ्चालित व्यवस्थापन समितिले पटक पटक कपन अनलाइनसँग यस्ता पसलहरु हटाउने भने पनि यति लामो समयसम्म नहटाउनुले उनीहरुको उदासिनता प्रस्टिन्छ ।