कपन अनलाइनले म्युजिकल साँझ गर्ने

कपन अनलाइन कपनमा गजल तथा सुफि संगीतको सुमधुर साँझ हुने भएको छ । ‘आत्मिय पल विथ कपन अनलाइन’ नामको यो कार्यक्रमको आयोजना  कपन अनलाइन मिडियाले गर्न लागेको हो । कपनको इतिहासमा पहिलोपटक हुन लागेको यो कार्यक्रममा राष्ट्रियस्तरका कलाकारहरुले संगीतमय बनाउने छन् ।

कपन ३ स्थित मिलनचोक पार्टी प्यालेसमा अगामि जनवरी ४ शुक्रवार हुने सो कार्यक्रम साँझ ५ बजेदेखि सुरू भएर ३ घण्टा चल्नेछ । कार्यक्रममा सहभागि हुनका लागि रू. १,०००- को टिकट राखिएको छ । यो टिकटमा २ जनालाइ स्न्याक्स, खानाका साथै वेलकम ड्रिंक्सको व्यवस्था गरिएको छ ।  कपनका चर्चित रेष्टुरा, ग्रोसरी साथै महत्वपूर्ण स्थानबाट टिकेट पाइने   ब्यवस्था   मिलाइने कपन अनलाइन मिडियाका  केशव गुरुङले जानकारी दिए । साथै कपन अनलाइनले आफ्ना अनलाइन पाठकहरूलाई ५ वटा टिकट निशुल्क  उपलब्ध गराउने छ । यो ५ वटा टिकट कसरि बाँडिने भन्ने कुरा चाँडैनै सार्वजनिक गरिने गुरुङले बताए ।