माटाको ढिस्को खस्दा एकजनाको मृत्यु

कपन अनलाइन 

कालीकोट, १८ फागुन । सदरमुकाम मान्ममा माटोको ढिस्कोले पुरिएर एक महिलाको मृत्यु भएको छ भने छजना घाइते भएका छन् ।

ढिस्कोले पुरिएर मान्म गाविस –८ का २३ वर्षीया सीता पाण्डेको मृत्यु भएको छ । जिल्ला अस्पताल कालीकोटका सिनियर अहेव कटकबहादुर महतका अनुसार घाइते छजनाको अहिले उपचार भइरहेको छ । डोजरले घरको जग खनेपछि माटो निकाल्न खाल्डोमा पसेका बेला सो घट्ना घटेको हो । माटोको ढिस्कोले पुरिएका ती सवै जनाको स्थानीयले उद्धार गरी अस्पताल पु¥याएका हुन् । रासस