हेटौंडामा हवाई फायर

कपन अनलाइन

६ माघ । हेटौंडाको बुद्ध चौक, राप्तीरोडमा घरधनी र प्रहरीबीच झडप भएको छ  । झडपका क्रममा प्रहरीले केहि सेल अश्रु ग्याससहित हवाई फायर गरेको छ  । आन्दोलनकारीलाई बजार क्षेत्रबाट हटाउन ठूलो संख्यामा प्रहरी परिचालन गरिएको छ ।

पूर्व पश्चिम राजमार्ग र त्रिभुवन राजपथको दायाँबायाँको खण्ड २५ मिटर आसपासका घरटहरा हटाउने क्रममा हेटौंडामा प्रहरी र घरधनीबीच झडप भएको हो  । २५ मिटर विस्तारविरुद्ध केही व्यवसायी र घरधनी आन्दोलित भएपछि प्रहरीसँग झडप भएको हो । घरधनीहरुले सोमबारदेखि बन्द गरेका थिए भने बिहीबार बजार खुलेपछि स्थानीय प्रहरी प्रशासनले घरटहरा हटाउन सुरु गरेपछि विरोधमा उत्रिएकाहरुले झडप गरेका हुन् ।

तस्बिरः राजन दाहाल र अन्य हेटौँडाबासीको फेसबुकबाट   ।