डनहरू पार्टी प्रवेश शुरू, दीपक मनाङ्गे राप्रपातिर लागे ।
कपन अनलाइन, काठमाडौँ । डनहरूको पार्टी प्रवेश नेपालमा अनौठो कुरो हैन । बेलबखत डनहरू पार्टी प्रवेशले नेपाली पत्रकारिता जगत तरंगित हुने गर्दछ । आज एक विशेष कार्यक्रम गरी चर्चित डन दीपक मनाङ्गे राप्रपा प्रवेशले सबैलाई चुनावी माहौल महशुस भएको छ ।
आज राप्रपाका अध्यक्ष कमल थापाले मनाङगेसहित चार सय युवालाई खादा र टिका लगाएर पार्टीमा स्वागत गरेका हुन्। एक पार्टी प्यालेसमा आयोजित कार्यक्रममा अध्यक्ष थापाले मनाङगेसहितका चार सय ६० बढी युवा राप्रपामा प्रवेश गरेका छन् ।
मनाङगे राजधानीको ठमेल क्षेत्रमा गुण्डागर्दीमा सक्रिय भएको भन्दै गतवर्ष महानगरीय परिसर काठमाडौंले उनीमाथि कारबाही चलाउँदै आएको छ भने छुट्दै आएका छन् । मनाङ्गेको मुद्धा विशेष अदालतमा समेत मुद्दा चलिरहेको छ । अपराधिक गतिविधि सञ्चालन गर्दै अकुत सम्पत्ति आर्जन गरेको आरोपमा उनीविरुद्ध विशेष अदालतमा सम्पत्ति शुद्धिकरणको मुद्धा छ । यस अघि दीपक कांग्रेसको राजनीतिमा सक्रिय रहेको मानिन्थ्यो ।
