गगन थापाको हातबाट टीका लाएर २०० एमाले-माओवादी कांग्रेसतिर

कपन अनलाइन, पौष ५, २०७३, 

स्वास्थ्य मन्त्री गगन थापाको हातबाट टीका लाएर करिब २५० संख्यामा एमाले, माओवादी केन्द्र र संघीयसमाजवादी पार्टीका नेता कार्यकर्ता कांग्रेस बनेका छन् । स्वास्थ्यसम्बन्धि  एक कार्यक्रममा  उदयपुर पुगेका मन्त्री थापाका हातबाट टीका लाएर कांग्रेस प्रवेश गर्नेहेरूमा  नगर समिति र क्षेत्रीय समितिका पदाधिकारीहरू रहेको बताइएको छ । यसरी थापाको हातबाट टीका लाएर कांग्रेस पार्टीमा प्रवेश गर्नेहरूमा विभिन्न मजदुर संगठनका पदाधिकारी एवं प्रतिनिधि रहेका छन् ।

कटारीमा आयोजित कार्यक्रममा स्वास्थ्यमन्त्री गगन थापाले प्रवेश गर्नेहरूलाई स्वागत गरेका थिए  । स्वास्थ्यमन्त्री थापाले रेडक्रसले उपलब्ध गराएको एउटा एम्बुलेन्स, अत्याधुनिक एक्सरे मेसिन र इसीजी मेसिन गरी १ करोड बराबरको उपकरण अस्पताललाई हस्तान्तरण गरेका हुन् ।  मन्त्री थापासँगै काँग्रेस जिल्ला सभापति विदुर बस्नेत र उदयपुर क्षेत्र नम्बर ३ का सांसद नारायण कार्कीको पनि कार्यक्रममा सहभागिता थियो ।