दीपदर्शनको एकल गजलवाचन सम्पन्न
कपन अनलाइन, पौष ४, २०७३ मलेसिया /दिनेश खड्का “खप्तडी”
गजलकार दीपदर्शनको एकल गजलवाचन कार्यक्रम पेनाङको बुकित जामबुल स्थित पोखरा किचन रेष्टुरेन्टको सभाहलमा सम्पन्न भएको छ । डिसेम्वर १७ तारिकको साँझ उदाउदोतारा साहित्य समाज पेनाङ मलेशियाको सस्थापक अध्यक्ष तथा वर्तमान संयोजकसमेत रहेका दिप दर्शनको एकल गजल वाचन कार्यक्रम सम्पन्न भएको हो । समाजको आयोजना तथा पोखरा किचेन रेष्टुरेन्टको प्रायोजनमा भएको उक्त कार्यक्रम सम्पन्न भएको हो । कार्यक्रममा समाजले दीपदर्शनको सम्मान पनि गरिएको थियो ।
प्रवासी नेपाली साहित्यको क्षेत्रमा लामो समयदेखि गरेको योगदानको कदर स्वरुप समाजले यो सम्मान गरेको जनाएको छ । एकल वाचनमा दर्शनले आफ्ना डेढ दर्जन गजलहरू वाचन गरेका थिए । समाजले शुरू गरेको नियमित मासिक कार्यक्रमको पहिलो शृंखला अन्तर्गत यो कार्यक्रम सम्पन्न भएको हो । सृजना साँझ नाम दिइएको उक्त कार्याक्रममा प्रत्येक महिना एकजना स्रष्टाको एकल सृजना वाचन गराइने कुरा आयोजकहरुले बताएका छन् । कार्यक्रम संयोजक कपिलमणीको सभाध्यक्षमा सम्पन्न उक्त कार्यक्रम समाजका सदस्य बाबुराम लुईटेलले स्वागत मन्तव्य गरेका थिए ।
